Þórunn Ósk Marinósdóttir og Sigurður Bjarki Gunnarsson eru listrænir stjórnendur Reykholtshátíðar.

Þau hafa bæði starfað um árabil við hljóðfæraleik og komið fram með fjölmörgum tónlistarhópum og á ýmsum tónlistarhátíðum – meðal annars margsinnis á Reykholtshátíð. Þau eru bæði fastráðnir hljóðfæraleikarar hjá Sinfóníuhljómsveit Íslands þar sem Þórunn leiðir víóludeild hljómsveitarinnar. Þau eru einnig stofnfélagar og leika með Strokkvartettinum Sigga og starfa jafnframt við hljóðfæra- og kammertónlistarkennslu hjá Menntaskóla í tónlist og Listaháskóla Íslands.