Föstudagur 24. júlí kl. 20
OPNUNARTÓNLEIKAR
REYKHOLTSHÁTÍÐAR
Feðgarnir Jóhann Kristinsson og Kristinn Sigmundsson hafa um árabil skipað sér í fremstu röð íslenskra söngvara og markað djúp spor í tónlistarlífi landsins. Kristinn hefur um áratugaskeið átt glæsilegan feril sem bassasöngvari á alþjóðlegum vettvangi og komið fram á mörgum af virtustu óperu- og tónleikahúsum heims. Jóhann hefur á undanförnum árum fest sig í sessi sem einn fremsti barítónsöngvari sinnar kynslóðar og vakið athygli bæði á Íslandi og erlendis fyrir fjölbreytt verkefni á sviði óperu, kirkjutónlistar og ljóðasöngs.
Margir minnast enn tónleika feðganna á Reykholtshátíð sumarið 2020, þar sem söngur þeirra heillaði áheyrendur sem fylltu Reykholtskirkju þannig að fólk varð frá að hverfa. Það er því sérstakt fagnaðarefni að þeir skuli koma fram á opnunartónleikum Reykholtshátíðar 2026. Á tónleikunum flytja þeir vandaða og fjölbreytta efnisskrá ásamt Kristni Erni Kristinssyni píanóleikara sem er einn af þekktustu meðleikurum og kammertónlistarmönnum hér á landi.
Á tónleikunum munu einnig fjórir af strengjaleikurum hátíðarinnar flytja Quartettsatz D.703 eftir Franz Schubert (1797–1828). Verkið, sem er eitt af þekktustu kammerverkum Schuberts, var samið árið 1820 og markar mikilvægt skref í þróun hans sem tónskálds. Þótt strengjakvartettinn hafi aldrei verið fullgerður hefur þessi eini lokakafli öðlast sjálfstætt líf á tónleikapöllum fyrir kraftmikla framvindu, ríkulegt hljóðfærasamspil og einkennandi ljóðræna tjáningu Schuberts. Flytjendur eru Páll Palomares og Pétur Björnsson á fiðlu, Guðbjartur Hákonarson á víólu og Sigurgeir Agnarsson á selló.
Heildarefnisskrá tilkynnt síðar
Hlekkur á miðasölu:
EFNISSKRÁ
Franz Schubert (1797–1828)
Der Atlas – úr Schwanengesang, D.957, nr. 8
Heinrich Heine
Wandrers Nachtlied D.768; op. 96 nr. 3
Johann Wolfgang von Goethe
Die Forelle, D.550; Op. 32
Christian Schubart
Taubenpost – úr Schwanengesang, D.957, nr. 14
Johann Gabriel Seidl
Flytjendur: Kristinn Sigmundsson og Kristinn Örn Kristinsson
Quartetsatz í c-moll, D.703
Flytjendur: Joaquín Páll Palomares, Pétur Björnsson,
Guðbjartur Hákonarsson og Sigurgeir Agnarsson.
An Sylvia, D.891; Op. 106, No. 4
William Shakespeare, þýð. Eduard von Bauernfeld
Ständchen – úr Schwanengesang, D.957 nr. 4
Ludwig Rellstab
Nachtstück, D.672
Johann Mayrhofer
Flytjendur: Jóhann Kristinsson og Kristinn Örn Kristinsson
HLÉ
Reynir Axelsson (1944)
Hringrásir
Kristján Karlsson
Haukur Tómasson (1960)
Sumardagurinn frysti
Þórarinn Eldjárn
Flytjendur: Kristinn Sigmundsson og Kristinn Örn Kristinsson
Árni Thorsteinsson (1870–1962)
Vorgyðjan kemur
Rósin
Guðmundur Guðmundsson (bæði ljóð)
Flytjendur: Jóhann Kristinsson og Kristinn Örn Kristinsson
Hugo Wolf (1860–1903)
Anakreons Grab
Johann Wolfgang von Goethe
Fußreise
Eduard Mörike
Flytjendur: Kristinn Sigmundsson og Kristinn Örn Kristinsson
Richard Strauss (1864-1949)
Morgen, op. 27, nr. 4
John Henry Mackay
Zueignung, op. 10
Hermann von Gilm
Flytjendur: Jóhann Kristinsson og Kristinn Örn Kristinsson
Wie schön ist doch die Musik
Aría Sir Morosus úr óperunni Die schweigsame Frau
Libretto: Stefan Zweig
Flytjendur: Kristinn Sigmundsson og Kristinn Örn Kristinsson
Jules Massenet (1842–1912)
Pourquoi me réveiller
Aría Werther úr samnefndri óperu
Libretto: Edouard Blau, Paul Millet and Georges Hartmann
Flytjendur: Jóhann Kristinsson og Kristinn Örn Kristinsson