Þórunn Ósk Marinósdóttir er leiðari víóludeildar Sinfóníuhljómsveitar Íslands. Hún er fædd og uppalin á Akureyri þar sem hún stundaði fiðlunám, lengst af hjá Lilju Hjaltadóttur. Hún lauk Mastersprófi í víóluleik við Konunglega Tónlistarháskólann í Brussel undir handleiðslu Ervin Schiffer. Í Belgíu var hún leiðari víóludeildar kammerhljómsveitarinnar Prima la Musica undir stjórn Dirks Vermeulen og um tíma meðlimur í flæmsku hljómsveitinni I Fiamminghi undir stjórn Rudolfs Werthens.

 

Þórunn hefur komið fram sem einleikari með Sinfóníuhljómsveit Íslands, Prima la Musica, Kammersveit Reykjavíkur, Caput og Sumida Triphony Hall Orchestra í Tokýó.

Þórunn kennir víóluleik og kammermúsík við Menntaskóla í tónlist og Listaháskóla Íslands auk þess sem hún kennir reglulega á sumarnámskeiðum á við Alþjóðlegu Tónlistarakademíuna í Hörpu (HIMA) og Point Counterpoint í Vermont. Hún spilar mikið af kammermúsík og er reglulegur gestur Kammermúsíkklúbbsins og tónlistarhátíða í Reykjavík og víðar.

 

Árið 2012 stofnaði hún Strokkvartettinn Sigga ásamt félögum sínum í kvartettinum en hann hlaut Íslensku tónlistarverðlaunin 2018. Hljóðrit kvartettsins hafa einnig verið tilnefnd til Íslensku tónlistarverðlaunanna og fengið lof gagnrýnenda hér heima og erlendis.

 

Plötuútgáfan Smekkleysa hefur gefið út hljóðritanir þar sem Þórunn leikur einleik með Kammersveit Reykjavíkur í víólukonsertinum Ombra eftir Hafliða Hallgrímsson og einnig í Dagbókarbroti fyrir víólu og píanó eftir sama höfund. Hún hefur sömuleiðis spilað inn á fjölda hljóðritana á kammertónlist, oftast undir merkjum Kammersveitar Reykjavíkur.

 

Þórunn Ósk hefur verið listrænn stjórnandi Reykholtshátíðar frá árinu 2021.