Laugardagur 26. júlí kl. 13
Fyrirlestur á vegum Snorrastofu
Hönnun Snorrastofu og Reykholtskirkju
Garðar Halldórsson arkitekt
Garðar Halldórsson arkitekt og höfundur Reykholtskirkju og Snorrastofu lýsir hugmyndafræðinni á bak við hönnunina. Byggingarnar hafa vakið verðskuldaða athygli fyrir vandaða hönnun, þar sem saman fara falleg húsakynni og úthugsað notagildi. Lagður var hornsteinn að byggingunni árið 1988 og var kirkjuhlutinn vígður árið 1996. Byggingu Snorrastofu lauk síðan árið 2000 og eru því 25 ár liðin frá því að byggingu hússins lauk. Húsnæði Snorrastofu var formlega vígt þann 29. júlí 2000 við hátíðlega athöfn á Reykholtshátíð.
Kynnir á viðburðinum verður séra Geir Waage, pastor emeritus.
Aðgangur er ókeypis.
Garðar Halldórsson
Garðar fæddist í Reykjavík og ólst þar upp. Hann lauk stúdentsprófi frá MR 1962, stundaði nám í arkitektúr við Rheinisch-Westfälische Technische Hochschule í Aachen í Þýskalandi 1962-68 og lauk þaðan prófum 1968.
Garðar starfaði á skipulagi borgarverkfræðings sumarið 1964, var arkitekt hjá Húsameistara ríkisins 1968-76, yfirarkitekt hjá Húsameistara ríkisins 1976-79, húsameistari ríkisins 1979-96 og hefur starfrækt eigin teiknistofu í Reykjavík frá 1997.
Meðal helstu verka Garðars sem hann hefur unnið á eigin vegum og með öðrum má nefna Systraheimilið í Garðabæ, Sjálfstæðishúsið Valhöll, ásamt Halldóri H. Jónssyni, Fiskvinnsluhús Granda hf., ásamt Ingimundi Sveinssyni, en meðal verka hans í embætti Húsameistara ríkisins má nefna geðdeild og K-byggingu á Landspítalalóð, háskólabyggingarnar Lögberg og Læknagarð, hönnun Listasafns Íslands við Fríkirkjuveg, Flugstöð Leifs Eiríkssonar (norðurbyggingu og síðar viðbygginu við hana, ásamt VA-arkitektum), Reykholtskirkju og Snorrastofu í Reykholti, hönnun endurbyggingar Þjóðleikhússins og hönnun og endurbyggingu á forsetasetrinu á Bessastöðum, í samvinnu við Þorstein Gunnarsson.
